बहुगुणी नारळ
नारळातील ओल्या आणि सुक्या
गराला खोबरं असं म्हणतात. शास्त्रीय नाव ‘कोकोस नुसिकेरा’ असं आहे. ताड
कुळातील वृक्ष असून फळाला ‘नारळ’ म्हणतात.
नारळातील
ओल्या आणि सुक्या गराला खोबरं असं म्हणतात. शास्त्रीय नाव ‘कोकोस
नुसिकेरा’ असं आहे. ताड कुळातील वृक्ष असून फळाला ‘नारळ’ म्हणतात. ३० मीटर
उंचीचं झाड असतं. हे खोबरं भाजी, चटणी आणि आमटीत तसंच काही गोड पदार्थात
वापरतात. भारताच्या पश्चिम आणि पूर्व किनापरट्टीवर मोठया प्रमाणात लागवड
होते. तसंच हिंदी आणि पॅसिफिक महासागरातील बेटांत मोठया प्रमाणात लागवड
होते. कोवळा नारळ ‘शहाळं’ म्हणून ओळखला जातो. तसंच त्यातील पाणी स्वादिष्ट,
क्षारयुक्त आणि पचण्यास हलकं आहे. साधारणत: एक वर्षानंतर नारळ पक्व
व्हायला सुरुवात होते. दर महिन्याला फुलांचा तुरा लागतो. त्यातल्या मादी
फुलांना लागलेली फळं अकरा ते बारा महिन्यांत पक्व होतात. म्हणजेच प्रत्येक
महिन्यात प्रत्येक झाडावरून एक घड काढायला मिळतो. उत्तम प्रतीचं खोबरं
मिळवण्यासाठी त्यावर अनेक प्रक्रिया कराव्या लागतात. खोब-यापासून तेलदेखील
काढतात. धार्मिक कार्यातही त्याचा वापर केला जातो. शहाळं तसंच ओलं आणि
सुक्या खोब-याचे अनेक उपयोग आहेत. ते पुढीलप्रमाणे -
» अति घामाने शरीर थंड पडत असेल तर सुकं खोबरं, लसूण आणि ओवा एकत्र वाटून त्याच्या गोळ्या करून घ्याव्यात. घाम यायचा थांबतो.
» आजारी व्यक्तीला पाणी प्यायला दिल्यास त्याला त्वरित तरतरी येते.
» शहाळ्याचं पाणी जुलाब, उलटी, उच्च
रक्तदाब, अॅसिडिटी, अल्सर, पायात गोळे येणं, लघवीला कमी होणं, मूतखडा आदी
तक्रारींवर गुणकारी आहे.
» चहा, कॉफी, सिगारेट, दारू यांच्या व्यसानामुळे बिघडलेला रक्तातील पी एच घटक नारळाच्या पाण्याने पूर्ववत आणला जातो.
» ओलं खोबरं हे पौष्टिक आणि श्रमहारक
आहे. तसंच ओल्या खोब-यात स्निग्धता असून बाळंतिणी, वयात येणारी मुलं, कृश
व्यक्ती, खेळाडू नर्तन आणि दिवसभर श्रम करणा-यांच्या आहारात खोब-याचा
समावेश असावा.
» सुकं खोबरं हे वेट गेन म्हणून ओळखलं जातं. म्हणून शरीर कमावणा-या व्यक्तींनी व्यायामाबरोबर सुक्या खोब-याचा आहारात समावेश करावा.
» लहान मुलांचे दात बळकट होण्यासाठी त्यांना सुक्या खोब-याचे तुकडे चावायला द्यावेत.
» केसांसाठी अत्यंत गुणकारी असून ओल्या खोब-याचं दूध किंवा सुक्या खोब-याच ताजं तेल विशेष उपयुक्त ठरेल.
सौजन्य : दै- प्रहार
कोणत्याही टिप्पण्‍या नाहीत:
टिप्पणी पोस्ट करा