स्मृती- मायकेल फरेरो, फरेरो रोशर व न्यूटेला कंपनीचे मालक

स्मृती- मायकेल फरेरो, फरेरो रोशर व न्यूटेला कंपनीचे मालक
दिव्‍य मराठी टीम |

फरेरो एम्पायरला पहिल्या क्रमांकावर आणण्याचे श्रेय मायकेल यांना जाते. मात्र, त्यांचे वडील पेट्रो यांनी १९४० च्या दशकात न्यूट्रेलामध्ये कंपनीची स्थापना केली होती.





श्रीमंत कँडीमॅन, संपत्ती 1385 अब्ज रुपये-

फरेरो एम्पायरला पहिल्या क्रमांकावर आणण्याचे श्रेय मायकेल यांना जाते. मात्र, त्यांचे वडील पेट्रो यांनी १९४० च्या दशकात न्यूट्रेलामध्ये कंपनीची स्थापना केली होती. मायकेल यांनी वडिलांचे स्वप्न जगातील सर्वात मोठ्या कॉन्फेक्शनरी एम्पायरमध्ये रूपांतरित केले. १९४६ मध्ये दुस-या महायुद्धादरम्यान पेट्रो यंानी इटलीत एका कॉफी बारमध्ये कामाची सुरुवात केली.

१९४९ मध्ये मायकेल वडिलांच्या कामात मदत करू लागले. सुरुवातीस न्यूटेला तयार करण्यासाठी कोकोचा वापर केला होता. मात्र, जागतिक युद्धानंतर कोको महाग झाले आणि पुरवठा कमी होऊ लागला तेव्हा लोकल नट्सचा वापर करून कोको-हेजलनट बेसद्वारे न्यूटेला तयार केले. चॉकलेट बेसमुळे त्याचा लूक ब्रेडसारखा होता. यानंतर त्यास क्रीम फॉर्म देण्यात आला व फरेरो स्पा कंपनीची स्थापना केली. हेजलनटपासून तयार न्यूटेलाची चव लोकांना आवडू लागली आणि एप्रिल १९६४ मध्ये ११ फरेरो कारखान्यांत जगभरात ३,६५,००० टन न्यूटेला तयार झाले. एक वर्षानंतर मिल्क बेस्ड किंडर चॉकलेट लाइन लाँच करण्यात आले. १९८२ मध्ये फरेरो रोशर चॉकलेट बनवण्यात आले. आजारी असतानाही मायकेल आठवड्यातून एक दिवस अल्बा येथील सर्वात मोठ्या चॉकलेट कारखान्यात नवी रेसिपी टेस्ट करण्यासाठी जात होते. इटलीचे राष्ट्राध्यक्ष सर्जियो मेटारेला यांनी देशातील सर्वात मोठ्या उद्योगपतीच्या निधनाबद्दल शोक व्यक्त केला. ते बॉर्न आंत्रप्रेन्योर होते या शब्दांत त्यांनी गौरव केला. ब्लमबर्ग अब्जाधीशांच्या यादीत फेब्रुवारी २०१५ मध्ये त्यांची संपत्ती १४.४ अब्ज पाउंड (१३८५ अब्ज रुपये) असल्याचे सांगितले. इटलीतील ही सर्वाधिक संपत्ती आहे. फोर्ब्जने त्यांच्या कुटुंबाला जगातील अब्जाधीशांच्या यादीत ३० वे स्थान दिले आणि त्यांना "द रिचेस्ट कँडीमॅन ऑन द अर्थ'चा किताब दिला.

एकूण मालमत्ता-१३८५ अब्ज रुपये, इटलीत सर्वाधिक
एकूण कंपन्या- ७०
प्रॉडक्शन युनिट- १५
कर्मचारी- २२ हजार

कुटुंब : मारिया फ्रेंका(पत्नी), पेट्रो ज्युनियर फरेरो व जियोवनी फरेरो. थोरल्या मुलाचा हार्ट अॅटॅकने मृत्यू. लहान जियोवनी कंपनीमध्ये सीईअो.

हे सर्व ब्रँड : न्यूटेला, फरेरा रोशर, मॉन चेरी, किंडर चॉकलेट, टिक टॅक (पॉकिट मिंट), िकंडर एग्ज, पॉकिट कॉफी.

कल्पक तरुणाचा प्रेरणादायी प्रवास, १२ हजारांच्या कॅमेऱ्यातून १० कोटींची कंपनी

कल्पक तरुणाचा प्रेरणादायी प्रवास, १२ हजारांच्या कॅमेऱ्यातून १० कोटींची कंपनी
दिव्य मराठी |
कोणत्याही मध्यमवर्गातील कुटुंबातील तरुणाप्रमाणे संदीपचीही काही अस्पष्ट स्वप्ने उद्दिष्टे होती.






+2
संद‍ीप माहेश्‍वरी, इमेजसबाजारचा संस्थापक



कोणत्याही मध्यमवर्गातील कुटुंबातील तरुणाप्रमाणे संदीपचीही काही अस्पष्ट स्वप्ने उद्दिष्टे होती. या स्वप्नांना उराशी बाळगूनच संदीप माहेश्‍वरीने बी कॉमला प्रवेश घेतला. यादरम्यान त्याचा पिढीजात व्यवसाय ठप्प झाला होता. तेव्हा या कठीणसमयी घराला हातभार लावण्याची जबाबदारी संदीपवरच आली. शिकण्याबरोबरच संदीपने मल्टिलेव्हल मार्केटिंगपासून ते घरगुती उत्पादने तयार करणे सुरू केले आणि मार्केटिंगपर्यंत जे शक्य होईल ते सर्व केले.

१९ वर्षांच्या संदीपने शेवटी कॉलेज सोडण्याचा निर्णय घेतला. यादरम्यान मॉडेलिंगच्या ग्लॅमरस जगाकडे तो आकर्षित झाला. त्याने मॉडेल बनण्याचाही विचार केला. पण काही काळातच या क्षेत्रातील होणारे शोषण पाहता हे क्षेत्र सोडून स्ट्रगलर मॉडेल्सची मदत करण्याचा मनाशी ठाम निर्णय घेतला आणि फोटोग्राफीच्या दोन आठवड्यांच्या कोर्सला प्रवेश घेतला. यानंतर त्यांनी छोट्या स्तरावर आपला स्टुडिओ सुरू केला. मॉडेल्सचे पोर्टफोलिओ बनवण्यास सुरुवात केली.

पुढे वाचा.. जागतिक विक्रम बनवला







+1



जागतिक विक्रम बनवला :

दिवसभरातते पोर्टफोलिओ मॅनेज करत असतानाच एके दिवशी संदीपने वर्ल्ड रेकॉर्ड बनवण्याचा विचार केला. या कल्पनेसह त्यांनी लिम्का बुक ऑफ रेकॉर्डशी संपर्क साधला. त्यांनी संदीपला कमीत कमी १०० लोकांसह १२ तासांचे १०,००० शॉट घेण्याचे उद्दिष्ट (टार्गेट) ठेवले. संदीपने टार्गेट पूर्ण केले आणि लिम्का बुक ऑफ वर्ल्ड रेकॉर्डमध्ये आपली जागा बनवली. यानंतर संदीप रातोरात प्रसिद्ध झाला.

वाचा.. पोर्टफोलिओते स्टॉक फोटोग्राफी




पोर्टफोलिओते स्टॉक फोटोग्राफी :

व्यवसायवाढू लागला आणि लवकरच संदीप दिल्लीचा मोठा पोर्टफोलिओ मेकर झाला. कामादरम्यान संदीपला जाणवले की भारतीय छायाचित्रांना इंटरनेटवर स्टॉक केलेच जात नाही. जेव्हा की स्टॉक फोटोग्राफी १.५ कोटी डॉलरचा उद्योग झाला आहे. २६ वर्षीय संदीपच्या डोक्यात स्टॉक फोटोग्राफीची कल्पना आली आणि त्याने २००६ मध्ये इमेजेस बाजार ही कंपनी लाँच केली. आज इमेजेस बाजार १०,४०० फोटोग्राफर्सचा १० लाखांहून अधिक फोटो, व्हिडिओ, इलस्ट्रेशन (चित्रे) आणि डी इमेजरीसह जगातील सर्वात मोठा इमेज संग्रह झाला आहे. हेच नाही तर ४५ हूनही अधिक देशांतील ८,००० हून अधिक ग्राहकांसह इमेजेस बाजारची वार्षिक उलाढाल १० कोटींचा आकडा पार करून गेली आहे. संदीप माहेश्वरी यांना त्यांच्या सर्जनशील आणि नवोन्मेषातील प्रयत्नासाठी देश-जगभरात ओळखले गौरवले जाऊ लागले. बिझनेस वर्ल्ड मॅगझिनचे इंडियाज मोस्ट प्रॉमिसिंग आंत्रप्रेन्योर, ग्लोबल यूथ मार्केटिंग फोरमचा यूथ अचीव्हर अवॉर्ड, ब्रिटिश कौन्सिलचा यंग क्रिएटिव्ह आंत्रप्रेन्योर अवॉर्ड त्यांच्या खात्यात जमा आहे

शिक्षण क्षेत्र: आईवडिलांच्या एका शाळेचा विस्तार १९ देशांत

शिक्षण क्षेत्र: आईवडिलांच्या एका शाळेचा विस्तार १९ देशांत
दिव्य मराठी 
सनी दोन वर्षांचे असताना वडील ब्रिटिश बँकेत काम करण्यासाठी दुबईत आले होते.







कर्तृत्व | सनी वर्की, दाते, आंत्रप्रेन्योर
>जन्म- १९५७
>वडील- केएस (बँकर होते), आई-मिरिअम्मा(शिक्षिका),
एक थोरली बहीण
>शिक्षण- केरळच्या कॅथॉलिक बोर्डिंग स्कूलनंतर ब्रिटनच्या बेंब्रिज
स्कूल आणि दुबईच्या ब्रिटिश काैन्सिलमधून ए-लेव्हल केली.
>कुटुंब- पत्नी, दोन मुले - डिनो आणि जय

चर्चेत- त्यांनी नुकतीच आपली अर्धी संपत्ती शिक्षण क्षेत्रासाठी दान केली.

सनी दोन वर्षांचे असताना वडील ब्रिटिश बँकेत काम करण्यासाठी दुबईत आले होते. रिकाम्या वेळेत त्यांची आई आणि वडील लोकांना इंग्रजी शिकवत होते. एके दिवशी अरब राजघराण्याकडून त्यांना बोलावणे आले होते. सन चार वर्षांचे होते तेव्हा आईवडिलांनी कॅथॉलिक बोर्डिंग स्कूलमध्ये शिकण्यासाठी केरळला पाठवले. ११ व्या वर्षी त्यांच्या मनात आंत्रप्रेन्योरशिप जागृत झाली. जास्तीचा पैसा कमावण्यासाठी ते कधी कधी फळविक्रीही करत होते. १९७७ मध्ये ते दुबईत परत आले.

आईवडिलांनी १९६८ मध्ये एक इंग्रजी शाळा सुरू केली होती. त्या काळात अरब देशांत केवळ अरबी शाळाही असत. आईवडिलांनी सुरू केलेल्या शाळेत ४०० मुले होती. त्यानंतर वर्की यांनी त्याचा विस्तार करण्याचा निश्चय केला. त्यांनी भारतीय, पाकिस्तानी आणि ब्रिटिश शाळा सुरू केली. यामध्ये सीबीएसईपासून आयसीएसईपर्यंत कोर्स शिकवले जाऊ लागले. अरब देशांत शाळांचे नेटवर्क स्थापन केल्यानंतर वर्की यांनी ग्लोबल एज्युकेशन मॅनेजमेंट सिस्टिम सुरू केली. ही आज जगातील सर्वात मोठी प्रा. स्कूल कंपनी आहे. त्यांच्यामार्फत जगातील १९ देशांत १०० पेक्षा जास्त शाळा चालवल्या जातात. २००४ मध्ये त्यांनी भारतात पहिली शाळा सुरू केली. एका मुलाखतीत दान देण्याचे संस्कार वडिलांपासून मिळाल्याचे त्यांनी सांगितले. वडील कुटुंबाच्या गरजांकडे डोळेझाक करत जास्त दान करत होते. आता त्यांनी ६७,६१० कोटी रुपयांची संपत्ती दान केली आहे. २०१२ मध्ये त्यांनी दुबईत वेस्टमिनिस्टर स्कूल बंद करण्यास सांगितले तेव्हा त्यांच्या कंपनीची प्रतिमा खराब झाली होती. कमी पैशात चांगले आणि पुरेसे शिक्षण दिले जाऊ शकत नसल्याचे त्यांचे म्हणणे होते. मोठी बहीण सुसन नर्सरीचे काम पाहते. पत्नी आणि आई त्यांच्या कामात सहकार्य करतात.

ट्रम्प यांच्या सर्वात माेठ्या दात्याने १२ व्या वर्षी सुरू केला व्यवसाय..

ट्रम्प यांच्या सर्वात माेठ्या दात्याने १२ व्या वर्षी सुरू केला व्यवसाय


शेल्डन एडलसन यांचा जन्म मेसाच्युसेट्समध्ये १९३३ मध्ये झाला. गरिबीपासून श्रीमंतापर्यंत त्यांचा प्रवास अाश्चर्यकारक अाहे. त्यांचे वडील टॅक्सी-कॅब चालवत हाेते. अाई लहान-माेठी शिवण्याची कामे करत हाेती. गरिबीमुळे परिवाराचा खर्च चालवणे अवघड हाेते.








शेल्डन एडलसन यांचा जन्म मेसाच्युसेट्समध्ये १९३३ मध्ये झाला. गरिबीपासून श्रीमंतापर्यंत त्यांचा प्रवास अाश्चर्यकारक अाहे. त्यांचे वडील टॅक्सी-कॅब चालवत हाेते. अाई लहान-माेठी शिवण्याची कामे करत हाेती. गरिबीमुळे परिवाराचा खर्च चालवणे अवघड हाेते. यामुळे शेल्डन यांनी वृत्तपत्रे विकणे सुरू केले. कमी वर्षांत आंत्रप्रेन्योर झालेले शेल्डन यांनी वयाच्या १२व्या वर्षी पहिला व्यवसाय सुरू केला. ते टॉयलेटरीज विकत हाेते. अाज एडलसन लास वेगास सँड्स कॉर्पोरेशन बोर्डाचे चेअरमन अाणि सीईओ अाहेत. १९७०मध्ये एका काॅम्प्युटर ट्रेड शो ‘कॉमडेक्स’मुळे त्यांचे नशीब बदलले. एडलसन यांनी ५०पेक्षा जास्त कंपन्या सुरू केल्या. त्यांनी तयार केलेला ‘कॉमडेक्स’ ट्रेड शो २०पेक्षा जास्त देशांमध्ये सुरू अाहे. १९९५मध्ये त्यांनी जपानच्या साॅफ्ट बंॅकेस हा ‘काॅमडेक्स’ शाे विकून टाकला. २००४मध्ये एडलसन यांना संॅड्स मकाऊ सुरू केले. हे अाशियात अमेरिकन स्टाइलचे पहिले कसिनाे हाेते. या कसिनाेने एडलसन यांना श्रीमंतापेक्षा जास्त श्रीमंत बनवून दिले.

एडलसन यांनी न्यूयाॅर्कच्या सिटी काॅलेजमध्ये कॉर्पोरेट फायनान्ससाठी प्रवेश घेतला हाेता; परंतु दाेन वर्षांत त्यांनी ड्रॉप आऊट केले अाणि अमेरिकन अार्मीत दाखल झाले. आर्मी सर्व्हिसनंतर मॉर्गेज ब्रोकर अाणि गुंतवणूक सल्लागार म्हणून त्यांनी काम सुरू केले. त्यानंतर बोस्टनमध्ये रिअल इस्टेट ब्रोकरेजचा व्यवसाय सुरू केला. १९६०च्या दशकात अनेक कंपन्यांमध्ये गुंतवणूक केली; परंतु ताे काळ मंदीचा असल्यामुळे त्यांना माेठ्या प्रमाणावर नुकसान सहन करावे लागले. १९७०च्या दशकात त्यांनी अापला मॉर्गेज बिझनेस रुळावर अाणण्याचा प्रयत्न केला. एका प्राॅपर्टी मार्केटसाठी ट्रेड शाे करण्याची चांगली संधी त्यांना मिळाली. त्यांची भेट एका प्राॅपर्टी मॅगझिनच्या प्रकाशकाशी झाली. ते अनेक मॅगझिन काढत हाेते. त्यात काॅम्प्युटर युजर्सच्या कामाचे मॅगझिनही हाेते. यामुळे एडलसन यांना वाटले की, या पद्धतीचे शाे काॅम्प्युटर बिझनेसमध्येेही करता येऊ शकतात. त्यानंतर त्यांनी काॅम्प्युटर इंडस्ट्रीसाठी ट्रेड शो सुरू केले.

एडलसन म्हणतात, ‘जेव्हा मी काेणताही व्यवसाय करताे, तेव्हा सर्वात अाधी पाहताे की, त्या व्यवसायाचे भवितव्य किती वर्षे असेल. म्हणजेच, किती वर्षे अापण हा व्यवसाय करू शकताे.’ यामुळे एडलसन त्या माेजक्या लाेकांमध्ये अाहेत, ज्यांनी चीनमध्येही यश मिळवले अाहे. अमेरिकेत या वर्षी झालेल्या निवडणुकीत त्यांनी रिपब्लिकन पार्टीसाठी सर्वात माेठी देणगी दिली. अमेरिकेत सर्वात कमी वेळात श्रीमंत झालेल्या लाेकांमध्ये त्यांचे नाव घेतले जाते. मात्र, इतर श्रीमंतांच्या तुलनेत त्यांना कमी प्रसिद्धी मिळाली. कसिनोसंदर्भात त्यांनी अनेक बेसिक रूल बदलले. कसिनाेचे जुने डिझाइन घेतले. ते म्हणतात, ‘जुन्या डिझाइनचे कसिनाे लाेकांना जास्त अावडतात.’ एडलसन यांनी लास वेगासमधील लाेकांसमाेर हे सिद्ध करून दाखवले की, नवीन पद्धतीची अंमलबजावणी करू शकतात. एडलसन यांनी दाेन लग्ने केली अाणि त्यांना पाच मुले अाहेत. ते काेट्यवधी रुपये चॅरिटेबल कामांसाठी खर्च करतात. ते म्हणतात, ‘माझ्याकडे नेहमी अपेक्षेपेक्षा जास्त पैसे अाणि काम अाहे.’ त्यांचे मित्र म्हणतात, एडलसन स्वत: अापल्यासाठी लक्ष्य तयार करतात अाणि जेव्हा त्यात यशस्वी हाेतात.

अमेरिकेच्या निवडणुकीत ट्रम्प यांच्या पक्षासाठी त्यांनी ४७ दशलक्ष डॉलर्सचा निधी दिला.
फोर्ब्जनुसार त्यांची एकूण संपत्ती ३१०० दशलक्ष डॉलर्सपेक्षा जास्त अाहे.
लहान असताना कुटुंबाच्या मदतीसाठी वृत्तपत्रे विकली. ७०च्या दशकात केला काॅम्प्युुटर ट्रेड शो.

लोक भूत समजत होते, मी भिकाऱ्यासारखा दिसत होतो, लोक पुरुषत्वावर संशय घेत होते...

लोक भूत समजत होते, मी भिकाऱ्यासारखा दिसत होतो, लोक पुरुषत्वावर संशय घेत होते


दिव्य मराठी |

तामिळनाडूचे मुरुगनाथम सोशल आंत्रप्रेन्योर आहेत. मासिक पाळीच्या समस्यांबद्दल जागरूकता करतात. स्वस्त सॅनिटरी नॅपकिन बनवणार









पत्नीनेही साथ सोडल्याची वेळ मुरुगनाथम यांच्या आयुष्यात आली होती.





तामिळनाडूचे मुरुगनाथम सोशल आंत्रप्रेन्योर आहेत. मासिक पाळीच्या समस्यांबद्दल जागरूकता करतात. स्वस्त सॅनिटरी नॅपकिन बनवणारे यंत्र बनवले आहे. पद्मश्रीने सन्मानित मुरुगनाथम यांनी जे. सी. शिबू यांच्याशी चर्चा केली आणि हादरवून सोडणाऱ्या गोष्टी सांगितल्या.






मला भुताने झपाटल्याचा ग्रामस्थांचा होता समज, ते काळ्या जादूच्या तयारीत होते

माझे लग्न १९९८ मध्ये झाले होते. पत्नीला मासिक पाळीत अत्यंत अस्वच्छ कपड्यांचा वापर करताना पाहिल्याने धक्का बसला. पत्नी आणि माझी बहीण त्या काळात त्यासाठी कचऱ्यातून वृत्तपत्रे आणि घाण कपडे शोधत असत. त्या याचा उल्लेख कोणाकडेही करत नसत. त्याच वेळी स्वस्त सॅनिटरी नॅपकिन बनवण्याचा विचार माझ्या मनात आला. संशोधनादरम्यान मी वापरलेले नॅपकिनही जमा करत होतो. मी वेडा झालो आहे, भूत आहे, असा लोकांचा समज झाला होता. मी तर प्रयोग करत होते. कोणी बोलत नसत, भेटत नसत. मला भुताने झपाटले आहे आणि काळ्या जादूने ते ठीक करता येईल, असे ग्रामस्थांना वाटत होते. त्यांनी तसे काही करण्याआधीच मी गाव सोडले.



पॅड वापरल्यास तुम्हाला वेडा कुत्रा चावेल अशी भीती लोक मुलींना दाखवत असत

ही २००४-०५ ची गोष्ट. जेव्हा मी या विषयावर काम करत होतो तेव्हा उत्तर प्रदेशात गेलो होतो. तेथे एका गावात अविवाहित मुलीने पॅड वापरले होते. ती रस्त्याने जात होती तेव्हा तिला सांगण्यात आले की, पॅडचा वापर केल्यास तुला वेडा कुत्रा चावेल. एवढेच नाही, तर वापरलेले सॅनिटरी पॅड कुत्र्याने खाल्ले तर तुझ्याशी कोणी लग्न करणार नाही, अशी भीती दाखवण्यात आली. मध्य प्रदेशात एक घटना समोर आली. तू हे वापरणे सोडले नाही तर तुझ्या सासूचा मृत्यू होईल, अशी भीती एका सुनेला दाखवण्यात आली. गावातील जवळपास सर्वच सुनांना असे सांगण्यात आले होते.



अनेक दिवस उपाशी राहावे लागत होते, यंत्र बनवण्यास लागली साडेआठ वर्षे

पुरुषही मला वेडा समजत असत. मी पुरुष आहे की महिला, असा संशय तेव्हा अनेक पुरुषही घेत असत. मी पॅडची चाचणी घेण्यासाठी कोइम्बतूरच्या वैद्यकीय महाविद्यालयातील मुलींची मदत घेतली. पण मला त्यांच्याकडून योग्य फीडबॅक मिळत नव्हता. मी या बहाण्याने मुलींच्या जवळ जाऊ इच्छितो, असे पत्नीलाही वाटत होते. गोष्ट एवढी वाढली की, एक दिवस तिने मला सोडूनही दिले. नोकरी सुरूच होती, प्रयोगही सुरू होते. रात्रपाळीत काम केले, दिवसा प्रयोग सुरू होते. अनेकदा अनेक रात्री झोपण्यासही वेळ मिळाला नाही. जेवायलाही मिळत नव्हते. मी भिकाऱ्यासारखा दिसत होतो. लोक खिल्ली उडवत होते. यंत्र बनवण्यासाठी मला साडेआठ वर्षे लागली.

उद्योगपतींच्या शैक्षणिक मुलाखती घेते मिलर यांची कंपनी

उद्योगपतींच्या शैक्षणिक मुलाखती घेते मिलर यांची कंपनी


दिव्य मराठी न्यूज नेटवर्क |

मिलर आंत्रप्रेन्योर परिवारातील आहेत. त्यांचे वडील स्काय डायव्हिंग बिझनेस करत होते; परंतु त्यांचा मृत्यू एका दुर्घटनेत झाला. तेव्हा मिलर यांचे वय होते फक्त १५ वर्षे. लॉच्या शिक्षणासाठी मिलर यांना स्कॉलरशिप मिळाली.












मिलर आंत्रप्रेन्योर परिवारातील आहेत. त्यांचे वडील स्काय डायव्हिंग बिझनेस करत होते; परंतु त्यांचा मृत्यू एका दुर्घटनेत झाला. तेव्हा मिलर यांचे वय होते फक्त १५ वर्षे. लॉच्या शिक्षणासाठी मिलर यांना स्कॉलरशिप मिळाली. वास्तविक, हायस्कूल पास करताच त्यांनी आपली पहिली कंपनी ‘ऑमेफर’ बनवली. तेव्हा ते १९ वर्षांचे होते. ही कंपनी त्यांनी थोड्याशा फायद्यासोबत न्यूझीलंड सरकारला विकली. यानंतर मिलर यांनी बनवली ‘अनफिल्टर्ड.’ ही कंपनी जगातील प्रसिद्ध बिझनेस लीडर्सचे इंटरव्ह्यू घेते. आतापर्यंत त्यांनी २००पेक्षा जास्त इंटरव्ह्यूचे व्हिडिओ बनवले आहेत. यात व्हर्जिन ग्रुपचे रिचर्ड ब्राॅनसन, टेस्लाचेे को-फाउंडर इयान राइट, न्यूझीलंडचे पंतप्रधान जॉन की यांच्यासह अनेक नामवंतांचा समावेश आहे. त्यांचे इंटरव्ह्यू विशेषत: शैक्षणिक विषयावर असतात. हे इंटरव्ह्यू ‘अनफिल्टर्ड’च्या सबस्क्रायबर्ससाठी उपलब्ध असतात. शालेय दिवसांत मिलर यांनी रिचर्ड ब्राॅनसन यांची ऑटोबायोग्राफी वाचली अाहे. ते सांगतात की, यामुळे मी खूपच प्रभावित झालो. मीसुद्धा आपला बिझनेस सुरू करण्याबाबत विचार करू लागलो. शाळेतून बाहेर पडताच ‘ऑमफेर’ सुरू केली. वेगवेगळ्या क्षेत्रांतील महत्त्वपूर्ण व्यक्तींचे इंटरव्ह्यू घेणे, ही त्यांची संकल्पना होती. तेव्हा फोकस फक्त बिझनेसवर होता. अॅक्टर, कॉमेडियन्स, बिझनेसशी संबंधित व्यक्ती, सेलिब्रिटी शेफसह विविध क्षेत्रांतील लोकांकडे आम्ही जात होतो. त्यांना प्रश्न विचारत होतो, कशी सुरुवात केली? व युवा कसे यशस्वी होऊ शकतात? आम्ही या प्रकारे सुमारे २०० इंटरव्ह्यू केले. मग २०१५मध्ये ‘अनफिल्टर्ड’ सुरू केली. यासाठी आतापर्यंत १०० इंटरव्ह्यू केले आहेत. सांगण्याचा उद्देश आहे की, कोणतीही व्यक्ती कोणत्याही प्रकारे बिझनेस उभा करू शकते. इंटरव्ह्यूसाठी फक्त लोकच नव्हे, तर कंपन्यासुद्धा आपल्या कर्मचाऱ्यांसाठी सबस्क्राइब करत आहेत. कंपन्या या माध्यमातून अापल्या कर्मचाऱ्यांना ट्रेनिंग देत आहेत की, कशा प्रकारे बिझनेसमध्ये बदल हाेत आहेत. मिलर यांच्या इंटरव्ह्यू देणाऱ्यांमध्ये न्यूझीलंडमधील काही अशा व्यक्ती सहभागी आहेत की, त्या मीडियाशी बोलण्यापासून बचाव करतात. अशीच एक व्यक्ती अाहे करोडपती स्टीफन जॅनिंग. ते मीडियाशी बोलण्यापासून वाचतात. मात्र, त्यांनी मिलर यांना ५० मिनिटे इंटरव्ह्यू दिला. आपल्या बिझनेसचा विस्तार करण्याबाबत मिलर म्हणतात की, ११ महिनेअगोदर दोन जण एकत्र येऊन त्यांनी कंपनी सुरू केली. आज कंपनीत १० कर्मचारी आहेत. ते तीन देशांत काम करत आहेत. ते अमेरिकेत पैसा कमावण्याचा प्रयत्न करीत आहेत. आगामी सहा ते १२ महिन्यांत अमेरिकेत काम सुरू करण्याची योजना अाहे. मिलर सांगतात की, काही आठवड्यांपूर्वी आम्ही जनरल मोटर्सच्या प्रेसिडेंटचा इंटरव्ह्यू घेतला. हे माहिती असणे महत्त्वाचे आहे की, आगामी १० वर्षांत कंपनीची काय स्ट्रॅटेजी आहे. कोणाशीही बोलताना जास्तकरून पॉझिटिव्ह चर्चा समोर येते. आम्ही मीडिया किंवा न्यूज कंपनी नाही. त्यामुळे काही वेगळा अँगल अथवा वादग्रस्त लाइनचा शोध नसतो; ज्यासंदर्भात इंटरव्ह्यू देणारे नंतर म्हणतील की, या लाइनला एडिट करा. खरे तर या इंटरव्ह्यूच्या माध्यमातून लोकांना एज्युकेट करू इच्छितो.





जॅक मिलर, फाउंडर- अनफिल्टर्ड

जॅक मिलर २१ वर्षांचे आहेत. बिझनेस एज्युकेशनच्या पॅशनला त्यांनी एक नवीन प्रकारे व्यवसायात बदलवले आहे. ही कंपनी जगातील प्रसिद्ध बिझनेस लीडर्सचे इंटरव्ह्यू घेते. आतापर्यंत त्यांनी २००पेक्षा जास्त इंटरव्ह्यूचे व्हिडिओ बनवले आहेत. त्यांचे इंटरव्ह्यू एज्युकेशनल टॉपिकवर असतात.

आपल्या आवडीच्या कामामध्ये करिअर केले तर कंटाळा येणार नाही, उलट जास्त मेहनत कराल- टिम कुक

आपल्या आवडीच्या कामामध्ये करिअर केले तर कंटाळा येणार नाही, उलट जास्त मेहनत कराल- टिम कुक


दिव्य मराठी वेब टीम

अलीबाबाचे फाउंडर जॅक मा म्हणाले- सुरुवातीला सगळ्या आंत्रप्रेन्योरना पराभवाचा सामना करावाच लागतो












न्यू ऑरलियंस(पेरिस)- अॅपलचे सीईओ टिम कुक म्हणाले की, तुम्ही जे पण आपल्या आवडीचे काम करता, त्यालाच आपले करिअर बनवा, या कामात तुम्हाला कधीच कंटाळ येणार नाही. कुक न्यू ऑरलियंसच्या टुलाने यूनिव्हर्सिटीच्या ग्रॅजुएशन सेरेमनी दरम्यान विद्यार्थांना संबोधित करत होते. तर ईकॉमर्स क्षेत्रातील सर्वात मोठी कंपनी अलीबाबाचे फाउंडर जॅक मा यांनी पॅरिसमध्ये पार पडलेल्या व्हीवा टेक्नोलॉजी कॉन्फ्रेंसमध्ये आंत्रप्रेन्योर नेहमी मिळणाऱ्या नकारापासून सुटकारा कसा करावा याबद्दल सांगितले आहे. जाणून घ्या या दोन दिग्गजांची मते...








प्रयत्नापेक्षा सुंदस दुसरी अशी कोणतीच गोष्ट नाहीये, याला घाबरण्याचे काही कारण नाहीये; मीपण रोज उठून असेच करतो- टिम कुक




तुम्हाला जे काम आवडते, त्यालाच आपले करिअर बनवा, त्यानंतर कामात कंटाळा वाटणार नाही. अशी म्हण आहे की, 'तुम्हाला जे आवडते ते काम केले, तर आयुष्यात काम करण्याची गरज भासत नाही.' 'मी अॅपलमध्ये हेच शिकलो आहे, जर तुम्ही आवडीचे काम केले तर कंटाळा येत नाही, कारण आवडीचे काम मिळाले तर, तर तुम्ही त्याला पूर्ण करण्यासाठी आपली पूर्ण शक्ती पणाला लावता. त्यावेळेस तुमच्या डोक्यात कंटाळा किंवा थकवा अशा भावना येणार नाहीत. तुम्ही विचारदेखील केला नसेल तितकी उर्जा तुम्ही आवडीच्या कामात लावाल. प्रयत्न करत राहा, प्रयत्नासारखी दुसरी सुंदर गोष्य कोणतीच नाहीये.'





नकारामध्ये संधी शोधा: मी असेच केले आहे, यश नक्की मिळेल- जॅक मा

जेव्हा तुम्ही शुन्यातून सुरुवात करता, तेव्हा प्रत्येक आंत्रप्रेन्योरला नकाराचा सामना करावाच लागतो. पण ते याला विसरून पुढे जातात. नकारात्मक प्रतिक्रीयांना बाजुला करून पुढे जाणे शिका. एक आंत्रप्रेन्योर म्हणून आव्हानांना सामोरे जाण्याची हिम्मत मिळेल. अनेकवेळा नकार ऐकण्यास मिळतो. या नकारामध्ये संधी शोधा. जर मी माझ्या आयुष्यात सगळं कमवलं तर इतर कोणीही करू शकतो

• Home
• इतर
• बजेट
• कुटुंबाचा अर्थसंकल्प कसा तयार कराल?

बजेटइतर

कुटुंबाचा अर्थसंकल्प कसा तयार कराल?

By Nilesh Tawade  

http://bit.ly/2XIUU1b

 2,559

Share

आपण देशाच्या अर्थसंकल्पाबद्दल खूप काही ऐकतो व बोलतोही. आपण आपल्या अर्थमंत्र्यांकडून खूप अपेक्षाही ठेवत असतो.  मात्र आपण आपल्या स्वतःच्या कुटुंबाच्या अर्थसंकल्पाबाबत तेवढे सतर्क नसतो. आज आपण कुटुंबाच्या अर्थसंकल्पाबद्दल व ते किती महत्वाचे आहे त्याबाबत चर्चा करू.

कुटुंबाचा अर्थसंकल्प म्हणजे काय?

• कुटुंबाचा अर्थसंकल्प म्हणजेच आपल्या सर्व खर्चांचे योग्य नियोजन. आपल्या नोकरीतील पगारातील उत्पन्न किंवा आपल्या व्यवसायातील उत्पन्न आपण किती प्रभावीपणे नियोजन करतो हे महत्वाचे. 
• कौटुंबिक अर्थसंकल्प आपण चार महत्वाच्या घटकांमध्ये विभागु शकतो. १) दैनंदिन गरजांसाठीचे खर्च २) अल्पकालीन किंवा दीर्घकालीन स्वप्नपूर्तीसाठी खर्च ३) दैनंदिन खर्चांसाठी बचत ४) दीर्घकालीन स्वप्नांसाठी गुंतवणूक. या चार घटकांसाठी आपण योग्य नियोजन केले की आपण आपल्या अर्थसंकल्पात यशस्वी झालो असे समजायचे. 
• आपली अल्पकालीन स्वप्ने किंवा दीर्घकालीन स्वप्ने अशी असावीत की ती आपल्या आर्थिक क्षमतेच्या आवाक्यात असतील व त्यासाठी आपल्या पूर्ण नियोजनावर कधीच ताण पडणार नाही. (नवीन गाडी, नवीन घर किंवा मोठे घर, मुलांचे शिक्षण, लग्न, तसेच निवृत्ती नियोजनवगैरे हे झाले अल्पकालीन किंवा दीर्घकालीन खर्च.) 
• स्वप्नपूर्तीसाठी गुंतवणूक करताना आपण येणाऱ्या खर्चाचा बारकाईने अभ्यास करून नियोजन करावयास हवे. 
• उदाहरणार्थ: आपल्याला ४ वर्षात नवीन गाडी घ्यायची झाल्यास फक्त गाडीच्या एक्स फॅक्टरी किमतीसाठी नियोजन करून चालणार नाही. आपल्याला गाडीचे डाउन पेमेन्ट, मासिक हप्ता, रेजिस्ट्रेशन, गाडीचा विमा, पेट्रोल, ड्रायव्हर ठेवायचा असल्यास त्याचा खर्च आणि नियमित गाडीची सर्व्हिसिंग या सर्व खर्चाचा आपल्या आर्थिक नियोजनात अंतर्भाव करावा लागेल. 
• अशा पद्धतीने बारकाईने नियोजन केल्यास आपल्यावर घरी आपण पांढरा हत्ती पाळत आहोत का? ही भीती राहत नाहीत. नियोजनात आणखी एक महत्वाची गोष्ट लक्षात घेतली पाहिजे ती म्हणजे ४-५ किंवा जास्त वर्षानंतरचे आपले जे स्वप्नपूर्तीसाठीचे खर्च आहेत, त्यावर मधल्या काळात होणार महागाईचा परिणाम. 
• महागाईमुळे होणारी खर्चातील संभावित वाढ लक्षात नाही घेतली तर आपल्या कुटुंबाचा अर्थसंकल्प कोलमडू शकतो. गाडीचेच उदाहरण द्यायचे झाल्यास गाडी आणि त्याच्याशी संबंधित इतर खर्चातील पुढील ४-५ वर्षातील महागाई मुळे होणाऱ्या संभावित वाढीचा खर्च आपल्या नियोजनात समाविष्ट करायला हवा. अशा प्रकारे नियोजन केल्यास कोणताही ताण न घेता आपण ठरवलेल्या तारखेला आपली स्वप्नपूर्ती करू शकतो.

आपल्या दैनंदिन खर्चाचे प्रभावी नियोजन कसे करावे?

• महिन्यातील खर्चाची यादी बनवावी. ज्यामध्ये नियमित खर्च (जसे विजेचे / टेलिफोन / गॅस बिल, वगैरे) व अनियमित खर्च (जसे मॉल शॉपिंग, उपहारगृह, सहल वगैरे) लिहावेत. हे खर्च भागवण्याकरिता आपल्याला बचतीची आवश्यकता आहे. त्यासाठी आपण बँकेचे बचत खाते, आवर्ती जमा खाते किंवा म्युच्युअल फंडाच्या लिक्विड फंडामध्ये बचत करू शकता. या खर्चाचे नियोजन करताना महागाईचाही विचार आवश्यक आहे. तसेच, शॉपिंगला जाताना आपली खरेदीची यादी जवळ बाळगावी जेणेकरून आपण आपल्याला आवश्यक सामानाचीच खरेदी करू. 
• आजच्या मॉल संस्कृतीमध्ये बऱ्याच वेळा आपण अनावश्यक गोष्टी जास्त खरेदी करत असतो, ज्या आपण क्वचितच वापरतो किंवा पडून राहतात. आपल्या दैनंदिन खर्चाचा आढावा दर ३-४ महिन्यांनी घ्यावा त्यामुळे आपल्या खर्चावर योग्य नियंत्रण ठेवण्यास मदत होते. एक महत्वाची गोष्ट लक्षात ठेवली पाहिजे ती म्हणजे आपल्या दीर्घकालीन स्वप्नपूर्तीसाठी गुंतवणूक करण्याकरिता ठराविक रक्कम बाजूला काढणे व उरलेल्या रकमेत आपले दैनंदिन खर्च भागविले पाहिजेत.

जीवन विमा व आरोग्य विमा याची तरतूद किती महत्वाची आहे?

• कुटुंबप्रमुखाचा मोठ्या रकमेचा मुदतीचा विमा असणे अतिशय महत्वाचे आहे. मुदतीच्या विम्यात कमी हप्त्यात जास्त विमा कवच मिळते त्यामुळे विमा हप्त्याची तरतूद अत्यावश्यक आहे. 
• तसेच घरात कधी काही मोठे आजारपण आले तर आपल्या नियोजनावर त्याचा भार पडतो व आपले अर्थसंकल्प कोलमडू शकते. पूर्ण कुटुंबाच्या आरोग्य विमाची तरतूद केल्याने असे खर्च विमा कंपनी उचलते व आपल्या आर्थिक नियोजनाला कोणताही धक्का लागत नाही.

आपला कौटुंबिक अर्थ संकल्प आपल्याला योग्य गुंतवणुकीसाठी कशी मदत करतात ?

• जेव्हा आपण अल्पकालीन तसेच दीर्घकालीन स्वप्ने किंवा ठराविक उद्दिष्टे ठरवितो तेव्हा त्या उद्दिष्टपूर्तीसाठी कोणत्या प्रकारची गुंतवणूक योग्य ठरेल ते आपण आपल्या नियोजनातून ठरवू शकतो. आपले दैनंदिन खर्च भागविण्यासाठी आपण बँकेच्या बचत खात्याचा उपयोग करू शकतो. 
• वेगवेगळ्या कालावधीच्या स्वप्नांसाठी आपण म्युच्युअल फंडच्या वेगवेगळ्या प्रकारच्या योजनांमध्ये गुंतवणूक करू शकतो. 
• उदाहरणार्थ:
  • एक वर्षानंतर नवीन टेलिव्हिजन संच घ्यायचा असेल तर म्युच्युअल फंडच्या ‘अल्ट्रा शॉर्ट टर्म कॅटेगरी’मध्ये गुंतवणूक करावी. 
  • ३-४ वर्षानंतर नवीन गाडी घ्यायची असेल तर त्यासाठी गुंतवणूक म्युच्युअल फंडच्या ‘हायब्रीड कॅटेगरी’मध्ये करावी. 
  • मुलांचे उच्चशिक्षण / निवृत्तीजीवन यासारख्या १५-२० वर्ष नंतरच्या स्वप्नपूर्तीसाठी आपण म्युच्युअल फंडच्या ‘इक्विटी कॅटेगरी’मध्ये गुंतवणूक करावी.  
• असे गुंतवणुकीचे वर्गीकरण करताना आपली गुंतवणूक क्षमता तसेच जोखीम घेण्याची तयारी याचा विचार करणे आवश्यक आहे. म्युच्युअल फंड आपल्याला ३६ प्रकारच्या योजना देतात. योग्य योजनांचे संयोजन करण्यासाठी आपले आर्थिक सल्लागार आपल्याला योग्य मार्गदर्शन करतात.

अर्थसंकल्पात एसआयपी कशी मदत करते?

• म्युच्युअल फंडाची एसआयपी आपल्याला आपल्या कुटुंबाच्या अर्थसंकल्पात मदत करतात. दरमहा आपण आपल्या ‘एसआयपी’साठी ठराविक रक्कम बाजूला काढली की उरलेल्या रकमेत आपल्याला दैनंदिन खर्च भागवायचे असतात. 
• त्यामुळे आपोआप आपण शिस्तबद्ध होतो व आपल्या वायफळ खर्चाला आळा बसतो. दरवर्षी आपले उत्पन्न हे वाढत असते अशावेळी म्युच्युअल फंडाच्या ‘स्टेप अप एसआयपी’  सुविधेद्वारे आपली ‘एसआयपी’ ही दरवर्षी वाढवू शकतो.

वेगवेगळ्या वयोगटासाठी अर्थसंकल्प वेगळा असतो का?

• निश्चितच वेगळा असतो आपण तरुण असताना आपली स्वप्ने वेगळी असतात. तसेच जोखीम घेण्याची क्षमताही जास्त असते. या वयात चैनी वस्तूवर खर्च करण्यावर जास्त कल असतो. वाढत्या वयात कौटुंबिक जबाबदारी वाढली की जोखीम घेण्याची क्षमता कमी होते. तसेच या वयात सांसारिक खर्च जास्त असतात.
• निवृत्तीपश्चात आपले नोकरी व्यवसायातील सक्रिय उत्पन्न कमी झालेले असते व आपण सर्वस्वी आपल्या गुंतवणुकीतील उत्पन्नावर अवलंबून असतो. निवृत्ती जीवनातील आपले खर्च हे पूर्णपणे वेगळे असतात. आयुष्याच्या वेगवेगळ्या टप्प्यावर आपला कौटुंबिक अर्थ संकल्प हा बदलत जातो.

कुटुंबाच्या अर्थसंकल्पात वेगवेगळ्या वयोगटासाठी वेगवेगळ्या म्युच्युअल फंड कॅटेगरी कसे उपयुक्त ठरतात?

• आपण पहिले की वयोमानानुसार आपला अर्थसंकल्प बदलत जातो. त्याच प्रमाणे वयोमानानुसार वेगवेगळ्या म्युच्युअल फंड कॅटेगरी उपयुक्त ठरतात.
• आपण तरुण असताना जोखीम घेण्याची क्षमता जास्त असते तसेच आपण आपल्या गुंतवणुकीस जास्त काळ देऊ शकतो. अशावेळी आपल्या गुंतवणुकीत ‘इक्विटी कॅटेगरीचा’ समावेश करू शकतो.
• वाढत्या वयात सांसारिक जबादारी वाढली आणि आपली जोखीम क्षमता कमी झाली की आपण ‘हायब्रीड कॅटेगरी’मध्ये आपली गुंतवणूक करावी. निवृत्तीपश्चात जोखीम क्षमता पूर्ण कमी झालेली असते. अशावेळी किरकोळ गुंतवणूक ‘इक्विटी कॅटेगरी’मध्ये व जास्त गुंतवणूक स्थिर अशा ‘डेट कॅटेगरी’मध्ये करावी.

कौटुंबिक अर्थसंकल्पात आपत्कालीन संकटे किंवा खर्चाची तरतूद कशी करावी?

• आपत्कालीन खर्च कधीही उभे राहू शकतात व आपले नियोजन पूर्णपणे बिघडू शकते. त्यासाठी आपण ‘आणीबाणी निधीची’ तरतूद करावी. आपल्या साधारण ६ ते १२ महिन्याचे एकंदर खर्च आहेत तेवढी रक्कम आपण आणीबाणी निधी म्हणून बाजूला काढून ठेवावी. 
• यासाठी आपण म्युच्युअल फंडच्या ‘लिक्विड फंड’ कॅटेगरीची निवड करू शकतो. हे असे फंड असतात जे आपण कधीही काढू शकतो. अगदी सुट्टीच्या दिवशीही आपण रु. ५०,००० पर्यंतची रक्कम इन्स्टा रिडम्प्शनच्या सुविधेनुसार काढू शकतो. या कॅटेगरीमध्ये तरलता जास्त असते तसेच जोखीम नगण्य असते.

आपले कौटुंबिक अर्थसंकल्प मांडताना सर्व बाबींचा तपशीलवार आढावा घेऊन योग्य नियोजन करावे. त्याचे नियमित पुनरावलोकनही आवश्यक आहे त्यामुळे आपल्या वायफळ खर्चाना आळा बसेल व आपण आखलेली स्वप्ने आपण ठरवल्या दिवशी कोणताही ताण न घेता पूर्ण करू शकू.

(म्युच्युअल फंडातील गुंतवणूक ही बाजार जोखिमेच्या अधीन असते, योजनेसंबंधित सर्व कागदपत्रे काळजीपूर्वक वाचा.)

कौटुंबिक अर्थसंकल्पासाठी तुम्हाला हार्दिक शुभेच्छा.

– निलेश तावडे 

९३२४५४३८३२ 

nilesh0630@gmail.com

(लेखक हे म्युच्युअल फंड क्षेत्रात २० वर्ष कार्यरत होते, सध्या ते आर्थिक सल्लागार आहेत.)

घरगुती अर्थसंकल्पाच्या ८ महत्वाच्या स्टेप्स

डायरेक्ट वि. रेग्युलर म्युच्युअल फंड गुंतवणूक योजना

घरघुती अर्थसंकल्प आणि त्याची तयारी भाग १,

२०१९ च्या आर्थिक नियोजनाचे ९९संकल्प भाग ३

Disclaimer:  आमच्या डिस्केलमर पॉलिसीजबद्दल जाणून घेण्यासाठी https://arthasakshar.com/disclaimer/  या लिंकवर क्लिक करा. आमचे इतर लेख वाचण्यासाठी क्लिक करा: https://arthasakshar.com/  | आमचे सर्व लेख मिळवण्यासाठी फॉलो करा : फेसबुक | ट्विटर | Copyright © https://arthasakshar.com | All rights reserved.

गुंतवणूक श्रीमंतीचा मार्ग – चक्रवाढ पद्धतीने गुंतवणूक...

गुंतवणूक

श्रीमंतीचा मार्ग – चक्रवाढ पद्धतीने गुंतवणूक

By प्राजक्ता कशेळकर  

http://bit.ly/2RrYebq

 1,700

Share

आपण ज्या क्षेत्रात काम करतो त्यात प्रगती करण्यासाठी आपण त्या त्या क्षेत्रातील अनुभवी लोकांशी संवाद साधायची संधी शोधत असतो. कारण अशा संवादातून आपली मतं, गृहितकं, सिद्धांत तपासून बघता येतातच, पण काही वेळा आपल्याला माहित असलेल्या गोष्टींकडे बघण्याचा नवीनच दृष्टीकोन गवसतो.

गेल्याच आठवड्यात अशा गुंतवणूक क्षेत्रातील एका दिग्गज व्यक्तीचं व्याख्यान ऐकण्याचा योग आला. त्यांची विषयाची मांडणी एकदम आवडली आणि ‘अर्थविचार’च्या वाचकांपर्यंत पोचवावीशी वाटली.

अमेझॉन कंपनीचा संस्थापक जेफ बेझोस जगातील सर्वात श्रीमंत व्यक्ती आहे

• व्याख्यानाची सुरुवातच त्यांनी ‘जेफ बेझोस एवढं श्रीमंत कोणाला व्हायचंय?’ या प्रश्नानं केली. आता अमेरिकेतील अमेझोन कंपनीचा मालक ‘जेफ बेझोस’ म्हणजे या घडीला जगातील सर्वात श्रीमंत असामी. त्याची संपत्ती १३५ अब्ज डॉलर्स किंवा रुपयात सांगायची तर सुमारे दहा लाख कोटी रुपये एवढी अतिप्रचंड!
• सामान्य व्यक्तीला स्वप्नात तरी त्याच्या जवळ जाता येईल का? पण म्हणतात ना ‘वचने किं दरिद्रता?’ आपण गुंतवणूकीच्या दृष्टीकोनातून ह्या प्रश्नाचं उत्तर शोधायचा प्रयत्न करूया. जर आपण १ लाख रुपयांपासून सुरुवात केली, तर जेफ बेझोस पर्यंत पोचायला आपली गुंतवणूक किती वेळा दुप्पट व्हावी लागेल? फक्त २७ वेळा किंवा जर आपण १ कोटी रुपयांनी सुरुवात करत असू तर केवळ २० वेळा गुंतवणूक दुप्पट करून जेफ बेझोसला गाठता येईल.
• आता अर्थातच पुढचा आणि फार महत्वाचा प्रश्न म्हणजे मुद्दल दुप्पट होईल अशी गुंतवणुक कुठली? किती काळात असा दुप्पट परतावा मिळवता येईल? इथे चक्रवाढ दराचं गणित विचारात घ्यावं लागेल.

गुंतवणुकीचं भविष्यातील मूल्य = सुरुवातीची गुंतवणूक गुणिले (१ + वार्षिक परतावा दर) ^ मुदतवर्षे

• आता यानुसार बघायला गेलं, तर मुद्दल दुप्पट किती वर्षात होणार ते पूर्णपणे परताव्याच्या दरावर अवलंबून असेल. जितका परतावा कमी, तितका गुंतवणुकीच्या दुपटीसाठी लागणारा वेळ जास्त
• जर आपण रुपये १ लाखाने सुरुवात केली आणि वार्षिक ८%ने परतावा देणाऱ्या पर्यायात पैसे गुंतवत राहिलो, तर दर ९ वर्षांनी आपलं मुद्दल दुप्पट होईल. आता बेझोसला गाठण्यासाठी आपल्याला अशा प्रकारे २७ वेळा मुद्दल दुप्पट करावे लागणार आहे. म्हणजेच आपल्याला तब्बल ९ *२७ = २४३ वर्षे वाट बघावी लागेल.
• आता हेच आपण मुद्दल वाढवून रू १ कोटी केलं आणि इक्विटी म्युच्युअल फंडांचा पर्याय निवडला, तर दर ५ वर्षात पैसे दुप्पट होऊ शकतील. बेझोसपर्यंत पोचण्यासाठी असं आपल्याला २० वेळा करावं लागेल म्हणजेच आपल्याला बराच कमी वेळ – १०० वर्षं लागतील. अर्थातच हे अवास्तव आणि अशक्य कोटीतील आहे.
• आता फक्त विचार करा, जर आपण वार्षिक २६%ने परतावा मिळवू शकलो तर अवघ्या ६० वर्षात आपण बेझोसला गाठू शकतो. काही जण यामुळे काहीही करून २६% परतावा कसा मिळवता येईल त्याचे मार्ग शोधण्यासाठी प्रेरित होतील. पण १५% सरासरी वार्षिक परतावा मिळवणे हे सिंहगड चढण्यासारखं आहे तर २६% परतावा मिळवणे म्हणजे एवरेस्टची चढाई होय.  त्यात किती, कोणती, कशी संकटं येतील आणि कितीदा अपयशाचा सामना करावा लागेल, जीव धोक्यात घालावा लागेल त्याचा काही नेम नाही.

याचा अर्थ आपण गुंतवणूक आणि कष्ट करून पुढच्या पिढ्यांची सोय करायची असं आहे का?

• अजिबात नाही! यातला महत्त्वाचा मुद्दा असा आहे की वयाच्या २५ व्या वर्षी कमवायला लागलेल्या व्यक्तीलासुद्धा पुढची ३५ वर्षं गुंतवणुकीसाठी उपलब्ध असतात. म्हणजे प्रत्येकालाच आपल्या आयुष्यात ७ वेळा मुद्दल दुप्पट करण्याची संधी असते.
• एखादी रक्कम ७ वेळा दुप्पट झाली तर तिचं मूल्य किती होऊ शकतं? उत्तर आहे – तब्बल १२८ पट! यालाच म्हणतात ‘चक्रवाढीची जादू’ (Magic of Compounding).
• याचा अर्थ लक्षात घ्या. २५व्या वर्षी रू १ लाख योग्य म्युच्युअल फंडात गुंतवून पुढील ३५ वर्षं काहीच केलं नाही तरी निवृत्तीच्या वेळेस एक-सव्वा कोटी निधी तयार होऊ शकतो. या ३५ वर्षांच्या काळात दरवर्षी रू २ लाख गुंतवत राहिले आणि जर म्युच्युअल फंडांनी १५% वार्षिक सरासरी परतावा दिला तर ६०व्या वर्षी आपण रू १७ कोटीची पुंजी जमा केलेली असेल. ही गोष्ट निश्चितच शक्य कोटीतील आहे.
• आता एखाद्याला प्रश्न पडू शकतो की यासाठी लागणारं लाख-दोन लाखाचं मुद्दल कुठून आणायचं? जर आपल्याला एखादं झाड लावायचं असेल तर जमीन, पाणी, खत इत्यादीबरोबर सर्वात महत्त्वाचं आपल्याला काय लागतं तर ते आहे ‘बीज’. जर आपण बी पेरली नाही, तर बाकीच्या मशागतीचा काही उपयोग नाही. त्याप्रमाणे, गुंतवणुकीचा बहरलेला वृक्ष पहायचा असेल तर सुरुवात आपले स्वतःचे मुद्दल गुंतवून करावी लागेल. हे मुद्दल जमा करण्यासाठी आपले उत्पन्न वाढवणे, खर्च कमीतकमी ठेवणे आणि पुरेशी बचत करणे गरजेचे आहे.

मला भावलेली ही उदाहरणं आणि गुंतवणूक विषयाकडे बघायचा दृष्टीकोन सर्व वाचकांना पटतील, रुचतील आणि सुयोग्य आर्थिक नियोजनाच्या मार्गावर चालत राहण्याची प्रेरणा देतील अशी आशा आहे.

– प्राजक्ता कशेळकर

(प्राजक्ता या पुणेस्थित आर्थिक नियोजन तज्ञ असून गेल्या ७ वर्षांपासून त्या आर्थिक नियोजनाची सेवा देत आहेत. प्राजक्ता यांच्याशी संपर्क साधण्यासाठी येथे क्लिक करा : http://pro-f.in/contact-us/ )

गृहकर्ज – लवकर परतफेड की गुंतवणूक?,

चक्रवाढ व्याजाची जादू , 

चक्रवाढ व्याजाची जादू – भाग २,

चक्रवाढ व्याजची जादू – भाग ३

Disclaimer:  आमच्या डिस्केलमर पॉलिसीजबद्दल जाणून घेण्यासाठी https://arthasakshar.com/disclaimer/  या लिंकवर क्लिक करा. आमचे इतर लेख वाचण्यासाठी क्लिक करा: https://arthasakshar.com/  | आमचे सर्व लेख मिळवण्यासाठी फॉलो करा : फेसबुक | ट्विटर | Copyright © https://arthasakshar.com | All rights reserved.

गुंतवणूक संपत्ति निर्माणाचा राजमार्ग: एसआयपी ...

• Home
• गुंतवणूक
• संपत्ति निर्माणाचा राजमार्ग: एसआयपी

गुंतवणूक

संपत्ति निर्माणाचा राजमार्ग: एसआयपी

By सुनील कडलग 

http://bit.ly/31RkWOY

 1,904

Share

“झोपेत असतांना सुद्धा पैसा कसा वाढेल, याचा मार्ग शोधला नाही तर मरेपर्यंत काम करावे लागेल.”

– वॉरेन बफे.

काल सायंकाळी आदित्यचा फोन आला. मी निवांत टीव्ही बघत होतो. त्यावर नुकतीच ‘म्युच्युअल फंड्स सही हैं ‘ ही जाहिरात चालू होती.  तिकडून आदित्य वैतागून म्हणाला , “माझी एसआयपी बंद करून टाका. दीड वर्षे बघतोय. कुठलाही आकर्षक परतावा दिसत नाही. किमान भरलेले पैसे तरी कमी होऊ नयेत, तेही नाही. कशाला हवी अशी गुंतवणूक? त्यापेक्षा पोस्टल आरडी  बरी!”

आदित्यची मानसिकता बघता मी त्याला, “दुसऱ्या दिवशी कार्यालयात ये असे सुचविले.” दुसऱ्या दिवशी आदित्यला पुन्हा एसआयपी नक्की कशी काम करते, हे सांगणे क्रमप्राप्तच होते.

आदित्य पुण्याच्या एका नामवंत आयटी कंपनीत मानवी संसाधन विभाग व्यवस्थापक (HR Manager) म्हणून उत्तम पगारावर कार्यरत होता. मात्र आर्थिक नियोजनभान त्याला अजिबातच नव्हते.

आदित्य समजा तू दर महिन्याला  दहा हजार रुपयांची सोने खरेदी ठराविक तारखेला करतोय . उदाहरणार्थ जानेवारी (सोने भाव  रु..२९,००० तोळा), फेब्रुवारी ( रु. ३०,००० तोळा), मार्च (रु.२६००० तोळा) व एप्रिल (रु. २७५०० तोळा) अशा वेगवेगळ्या पातळ्यांवर तुझी खरेदी झालेय. यात तुझी सर्वात आकर्षक खरेदी कोणती? 

“अर्थातच २६००० रुपये तोळा! ही खरेदी सर्वात फायद्याची.” आदित्यने उत्साहाने उत्तर दिले.

“कारण? ” मी प्रश्नार्थक पध्दतीने विचारले.

“सरळ आहे , गोल्ड मार्केट डाउन असले तर कमी भावात झालेली खरेदी जास्त सोने (grams) देईल. “आदित्य.

“येस आदित्य , एकदम बरोबर , त्याच प्रमाणे शेअर बाजारही डाउन असेल तर त्याचा परिणाम म्युच्युअल फंड युनिट एनएव्ही (NAV) वर होतो व हे युनिट्स कमी भावात खरेदी करणे ही सुद्धा एक सुवर्णसंधी असते. आपल्या दीर्घकालीन उद्दिष्टे साध्य करण्याकरिता योग्य वेळ दिली की संपत्ति निर्माण होते.”

“मला उदाहरणांसह सांगा.” आदित्यने पुन्हा बाऊन्सर टाकला.

• “एचडीएफसी म्युच्युअल फंडाची ‘एचडीएफ इक्विटी फंड’ ही योजना १ जानेवारी १९९५ रोजी सादर करण्यात आली. त्यावेळी तिचा एनएव्ही (एका युनिटची किंमत / Net Asset Value ) रु. १० होता. आज ३१ मे २०१९ रोजी या योजनेचा एनएव्ही रु. ६९६.४७१० आहे.
• जर एखादया व्यक्तीने दरमहा ५००० रुपयांची सीप या योजनेत २४ वर्षांसाठी केली असेल तर त्यांना योजनेच्या सुरुवातीपासून आजपर्यंत या योजनेने चक्रवाढ व्याजदराने  २०.२७ % या दिलेल्या परताव्याने रु. ५००० प्रतिमाह याप्रमाणे २४ वर्षांच्या रु. १४,४०,००० /- या गुंतवणूकीचे मूल्य आज रु. २,७१,५७,९०३ /- एवढे झाले आहे.”
• मी ‘तो सूर्य , हा जयद्रथ ‘ या अभिनिवेशात ऑनलाईन आकडेवारी आदित्यला सादर केली. आता मात्र आदित्यच्या सर्व शंकांना सविस्तर उत्तर मिळाले होते. मी आदित्यच्या आर्थिक नियोजनाचा पुन्हा एकदा आढावा घेतला व त्याला त्याच्या दोन्ही मुलांमुलींचे शिक्षण, लग्न व त्याची सेवानिवृत्ती याचा प्लॅन सादर केला.

एसआयपी बंद करायला आलेल्या आदित्यने याच मिटिंग मध्ये  ‘इएलएसएस (ELSS) या कर वाचविणाऱ्या ‘एसआयपी’मध्येही गुंतवणूकीचे निर्णय घेतले.

सिपमध्ये पैसे गुंतवण्याचे फायदे :

• चक्रवाढ गतीची शक्ती (Power of Compounding): नियमित गुंतवणूक होत असल्यामुळे मिळणाऱ्या फायद्याची पुनर्गुंतवणूक होत असते. गुंतवणूक अधिक फायदा, या दोन्हीवर पुन्हा उत्पन्न चालू होते. म्हणून शक्यतो लवकर गुंतवणुकीस सुरुवात करा म्हणजे चक्रवाढ गतीचा फायदा मिळेल.
• आर्थिक उद्दिष्ट गुंतवणुकीस शिस्त (Discipline): दर महिन्याला आपण विशिष्ट रक्कम सिपच्या मध्यमातून गुंतवणूक करत असतो. याचा अर्थ आपल्या गुंतवणुकीस एक विशिष्ठ शिस्त लागते. कारण दर महिन्याला ही रक्कम भरणे बंधनकारक असते त्यामुळे गुंतवणूकीस प्राधान्य मिळते.
• सरासरीचा फायदा (Rupee Cost Averaging): म्युचुअल फंडमधील गुंतवणूक ही बाजारा जोखमीच्या अधीन असते. म्हणजे त्यात चढ- उतार होत असतो. प्रत्येक गुंतवणुकीत आपणास त्या फंडाचे युनिट्स मिळतात. प्रत्येकवेळी समान गुंतवणुकीस युनिट्सची एनएव्ही (NAV) ही वेगळी असल्यामुळे युनिट्स कमी- अधिक मिळतात.
• कर बचत (Tax saving):  दीर्घ मुदतीच्या ‘इएलएसएस’ गुंतवणूक योजनेमध्ये कर लाभ मिळतो.
• सुलभता  (Convenience): यामध्ये मार्केटच्या वेळेतच गुंतवणूक करावी असे काही बंधन नसते. आपण ही रक्कम आपल्या बचत खात्याला जोडून घेऊ शकतो.  Electronic clearance – ECS (Auto debit facility) म्हणजे प्रत्येकवेळी भरणा करण्याची किंवा भरणा चुकण्याची चिंता राहत नाही. आपण पोस्ट डेटेड चेकनेही सिप करू शकतो.
• छोट्या गुंतवणुकदारासहि फायदा: यामध्ये अगदी ५०० रुपये दर महिन्याला भरून सहभागी होता येते.
• पद्धतशीर गुंतवणूक योजना: “थेंबे थेंबे तळे साचे” याप्रमाणे चांगले जीवन जगण्यासाठी भविष्यामध्ये आपल्याकडे गरजेइतकी संपत्ती निर्माण व्हावी यासाठी आपण सिप योजना अंगिकारली पाहिजे. दर महिन्याला येणाऱ्या उत्पन्नातून गुंतवणूक करून परतावा चांगला मिळावा यासाठी हे गरजेचे आहे.  रुपये ५०० किंवा १००० इतक्या कमी रकमेची सिप (SIP) चालू करून आपण गुंतवणूक करू शकतो.

यामधून नियमित गुंतवणुकीची शिस्त लागते. आणि कमी रकमेमध्ये आपला पोर्टफोलिओ तयार व्हायला सुरुवात होते. यामध्ये गुंतवणूक करण्याआधी आपले आर्थिक उद्दिष्ट काय आहे? आपण दर महिन्याला किती रक्कम गुंतवणार आहोत? हे ठरवा. मगच गुंतवणुकीला सुरुवात करा.

एसआयपी गुंतवणूकीचे महत्वाचे टप्पे :

१. आपले आर्थिक उद्दिष्ट ठरवा.

२ .त्यासाठी दर महिन्याला किती रक्कम भरणार आहोत, हे आर्थिक नियोजकाच्या मदतीने ठरवा.

३. विविध योजनाचा अभ्यास व मागील परतावा तपासून योग्य योजना निवडा.

४. या योजनेचा अर्ज  आणि एसआयपी मॅनडेट अर्ज, रक्कम आणि तारीख नक्की करा.

५. पेमेंट पर्यायाची निवड करा. (चेक किंवा ECS)

६. दीर्घकालिन संपत्ती निर्माणसाठी गुंतवणूक करा. यामध्ये चक्रवाढगतीचा आणि सरासरीचा फायदा होतो.

७. एकापेक्षा अधिक योजना  निवडल्यास पोर्टफोलिओमध्ये विविधता येते.

८. वर्षातून किमान एकदा तुमच्या आर्थिक नियोजकाबरोबर मिटिंग करा व आपले उद्दिष्ट्ये व योजना यांचा आढावा घ्या.

जागतिक गुंतवणूक गुरू वॉरेन बफे यांनी वयाच्या ११ व्या वर्षी गुंतवणूक सुरू केली. आपण बँकांच्या मुदतठेवी, बँक व पोस्टल आरडी, विमा या पारंपरिक बचतीला आर्थिक ज्ञान नसल्याने गुंतवणूक समजतो. अशा प्रकारची गुंतवणूक महागाई निर्देशांकापेक्षा अधिक परतावा देऊ शकत नाहीत. म्हणूनच या बचत गुंतवणुकीत परावर्तित केल्यास दीर्घकालीन संपत्ती निर्माण होईल. आपण विमा पॉलिसीसाठी वीस वर्षे सहज देतो . मग असा कालावधी “म्युच्युअल फंड्स सही हैं..” साठी का देत नाही?

बिल गेट्स म्हणतात ,

“गरीब म्हणून जन्माला आलात तर त्यात तुमचा दोष नाही. परंतु गरीब म्हणून मेलात तर मात्र, दोष तुमचाच आहे.”

एकंदरीत, संपत्ति निर्माण हा प्रत्येकाचा जन्मसिद्ध हक्क आहे आणि त्यासाठीचा राजमार्ग मात्र म्युच्युअल फंड्स – एसआयपी हाच आहे. शेवटी, “म्युच्युअल फंड्स सही हैं !”

– सुनील कडलग.

9881327686 / 9422855786

kadlaginvestment@gmail.com

(लेखक हे संगमनेर येथे पूर्णवेळ आर्थिक नियोजक म्हणून  कार्यरत असून आपल्या सल्ल्यासाठी आपण वरील ई-मेल वर किंवा भ्रमणध्वनीवर त्यांच्याशी संपर्क साधू शकता.)

म्युच्युअल फंड योजनेसबंधी माहिती,

एस.आय.पी.(SIP) – स्मार्ट गुंतवणुकीचा एक पर्याय,

डायरेक्ट वि. रेग्युलर म्युच्युअल फंड गुंतवणूक योजना,

म्युच्युअल फंड गुंतवणुकीतील चुका कशा टाळाव्यात?

Disclaimer:  आमच्या डिस्केलमर पॉलिसीजबद्दल जाणून घेण्यासाठी https://arthasakshar.com/disclaimer/  या लिंकवर क्लिक करा. आमचे इतर लेख वाचण्यासाठी क्लिक करा: https://arthasakshar.com/  | आमचे सर्व लेख मिळवण्यासाठी फॉलो करा : फेसबुक | ट्विटर | Copyright © https://arthasakshar.com | All rights reserved.