मुखत्यारपत्र म्हणजे अधीकारपत्र.. इंग्रजी मध्ये याला power of attorney पावर आॅफ अटर्नि असे म्हणतात. काही विशेष कारणांसाठी पावर आफ अटर्नी तयार करतात. जसे की शारीरिक दुर्बलतेमुळे काम काज पहाता येत नसल्याने एखाद्या व्यापारी ऐका निवडक व्यक्तीसं तो व्यवहार करण्याचे अधीकार देऊ शकतो , पॉवर ऑफ अटर्नी ही विशेषत: करार करण्यासाठी, अधिकार हस्तांतरित करण्यासाठी, अस्थिर आणि स्थावर असलेल्या मालमत्तेशी निगडीत कामासाठी, आयकर परतावा करण्यासाठी तसेच इतर व्यक्तींशी कायदेशीररित्या व्यवहार करण्याचा हक्क प्रदान करण्यासाठी बनवली जाते. पावर आफ अटर्नी करणार्या व्यक्तिला प्रिंसीपल तर ज्याला अधीकार दिलें आहेत त्याला एजंट म्हणतात. पॉवर ऑफ अटर्नी किती प्रकारची असते? पॉवर ऑफ अटर्नी दोन प्रकारची असते, ज्यामध्ये पहिली ‘पॉवर ऑफ अटर्नी जनरल’ आणि दुसरी ‘पॉवर ऑफ अटर्नी स्पेशल’ बनवली जाते. पॉवर ऑफ अटर्नी जनरल नुसार एजंटला प्रिंसिपलची जवळपास सगळी कामे करण्याचा हक्क कायद्यानुसार प्राप्त आणि पॉवर ऑफ अटर्नी स्पेशलनुसार एजंटला प्रिंसिपलची काही ठराविक विशेष कामे करण्याचा हक्क कायद्यानुसार प्राप्त होतो. 100 रुपयांच्या non judicial स्टॅम्प पेपर वर मजकूर लिहून तो नोटरी करुन घ्यावा लागतो. हे अधीकार पत्र परत रद्द करे पर्यंत वैध असते. स्थावर संपत्तीच्या हस्तांतरण संबंधात बनवण्यात आलेली पॉवर ऑफ अटर्नीची वैधता एका वर्षाचीच असते. पॉवर ऑफ अटर्नी प्रिंसिपल कडून रद्द केल्यावर, प्रिंसिपलचा मृत्यू झाल्यावर, दिवाळखोरी अथवा मानसिक संतुलन बिघडण्याच्या स्थितीमध्ये, ज्या कार्यासाठी पॉवर ऑफ अटर्नी तयार केली आहे ते कार्य संपल्यानंतर, प्रिंसिपल आणि एजंटच्या सहमतीने किंवा एजंटने अधिकार सोडल्यावर रद्द होते. अभिजीत जगताप यांच्या उत्तरातुन साभार.. by - internet | ||
कोणत्याही टिप्पण्‍या नाहीत:
टिप्पणी पोस्ट करा